樹根哥溫馨提示「鄺神」橫額未拆

  • 时间:
  • 浏览:0

  大公網7月10日訊 人稱「鄺神」嘅「愛情小說家」、民主黨元朗區議員鄺俊宇今年會代表白鴿戰超級區議會,宣傳攻勢非常強勁,將佢寫愛情小說嘅句式都搬到選舉文宣中。講真,鄭晴睇完有少少「毛管戙」囉。估唔到民建聯鍾樹根都好留意「鄺神」,不過唔係睇佢嘅愛情小說啦,樹根哥係留意到「鄺神」「明張目膽」有塊橫額掛係港島區未拆。於是「根毛毛」就係facebook發帖溫馨提示「鄺神」,仲好抵死咁打埋hashtag,話「‬#我唔會投訴你嘅‬#快D拆喇 #唔係地政計你數」。

  「鄺神」即刻留言回覆:「你話樹根幾體貼,點解政治咁殘忍」,仲諗住乘機「抽水」,hashtag亦打埋「都無得選」。「根毛毛」隨即反擊,改寫「鄺神」係橫額嘅口號:「讓世代改寫你們的時代」,呢下「反抽」真係「靚抽」。嗱,「鄺神」啊,鄭晴係度都提下你,呢塊橫額,真系數到三,就要拆啦。